Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 301 Hüküm no: 335 Orijinal metin no: [75a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acem Zador’un Marat’ta olan alacağı Ma‘rûz. Derûn-ı arzuhâlde mezkûr Acem tâifesinden Zador zimmî hasmı Marat zimmetinde bin yedi yüz on guruş deyni edâsiʼçün üç ay çavuş yedinde ve üç ay ağa kapısında ve dört aydan beri sicn-i sultânîde habs ve iki ay mukaddem yesârını isbât edip lâkin mahbûs-ı mezbûrun düyûn-ı kesîresi olmağla âhar dâyinlerinden yedi nefer ma‘lûmü’l-esâmî Müslim ve ehl-i zimmet meclis-i şer‘a medyûn-ı mezbûr Marat’ın el-yevm îsârını her biri alâ-tariki’ş-şehâde ba‘de’l-ihbâr ve zimmetinde lede’ş-şer‘i’l-enver sâbit ve müte‘ayyin olan cem‘an bin dokuz yüz doksan sekiz guruş haklarını vech-i şer‘î üzere taksît ve tecîl edip mezbûr Acem Zador bir vechile râzı olmadığı huzûr-ı âlîlerine i‘lâm olundu. Fî 17 Zilhicce sene [1]143.