Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 302 Hüküm no: 337 Orijinal metin no: [75b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman’ın Ali Ağa aleyhine açtığı alacak davasını ispatlayamadığı Ma‘rûz. Sahib-i arzuhâl Osman meclis-i şer‘de derûn-ı arzuhâlde mezkûrü’l-ism Ali Ağa ile terâfu‘larında târih-i kitâbdan iki sene mukaddem mezbûr Ali Ağa İnebahtı nâm mahalle gider oldukda bana hizmet eyle sana ri‘âyet edeyim demekle ve mahâll-i mezbûra vardıkda ri‘âyet etmediğinden mâ‘adâ mecmû‘u otuz bir guruş kıymetli ber-mûceb-i defter eşyâ-i ma‘lûmemi bi-gayr-ı hakkın ahz u kabz etmeğin mevcûde ise a‘yânın müstehleke ise ba‘de’s-sübût kıymet-i şer‘iyelerin taleb ederim deyü da‘vâ ol dahi cevâbında bir gömlek ve sarık ve yağmurluk hâlâ yedinde olduğunu ikrâr mâ‘adâyı inkâr etmekle ikrârı mertebesini edâya ba‘de’t-tenbîh mâ‘adâ da‘vâsını isbâta kādir olmamağla bi’t-taleb mezbûr Ali Ağa’ya yemîn verilip mezbûr Osman bilâ-beyyine bî-vech mu‘ârazadan men‘ olunduğu mübâşirleri Mehter Hasan iltimâsıyla huzûr-ı âlîlerine i‘lâm olundu. Fî 20 Zilhicce sene [1]143.