Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 298 Hüküm no: 427 Orijinal metin no: [62b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bendazi v. Yorgi’nin dükkânını istiğlal yoluyla sattığı Mahrûse-i Üsküdar kazâsına tâbi‘ Kartal nâm karye sâkinlerinden Bendazi v. Yorgi nâm zimmî meclis-i şer‘-i hatîr-i lâzımü’t-tevkīrde işbu bâ‘isü’l-kitâb el-Hâc Himmet b. Mehmed mahzarında ikrâr-ı tâm ve takrîr-i kelâm edip karye-i merkūmede vâki‘ ma‘lûmü’l-hudûd bakkāl dükkânımı mezbûr el-Hâc Himmet’e beş bin akçeye bi-tarîkı’l-istiğlâl bey‘ ve teslîm ol dahi vech-i muharrer üzere iştirâ ve tesellüm eyledikden sonra zikrolunan dükkânı târîh-i kitâbdan sene tamamına değin bin akçeye yine bana îcâr eyledi, ben dahi istîcâr ve kabûl eyledim dedikde gıbbe’t-tasdîkı’l-mu‘teber mâ-vaka‘a bi’t-taleb ketb olundu. Hurrire fil-yevmi’s-sânî ve’l-ışrîn min-Ramazani’l-mübârek li-sene erba‘a ve sittin ve elf. Şuhûdü’l-hâl: Ahmed Beşe b. Mehmed, el-Hâc Hasan b. Abdullah, Veli Beşe b. Mahmud, Receb b. Hüseyin ve gayruhum.