Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 315 Hüküm no: 372 Orijinal metin no: [78a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia Hatun’a ait cariyenin iadesi Ma‘rûz. Mumcu Hüseyin Beşe mübâşeretiyle meclis-i şer‘a ihzâr olunan el-Hâc Mustafa’dan hasmı Râbia Hatun yedimde memlûkem olan işbu Çerkesiyyü’l-asl Bendeyâr nâm câriyem târih-i kitâbdan iki sene mukaddem mülkümden zâyi‘ olup hâlâ mezbûr el-Hâc Mustafa’nın yedinde bulunmağın taleb ederim deyü da‘vâ ol dahi târih-i mezbûrdan beri kaçkun olmak üzere yedinde olduğunu ikrâr lâkin müdde‘iye-i mezbûrenin câriye-i memlûkesi idiğini ba‘de’l-inkâr müdde‘iye-i mezbûre müdde‘âsını adâletleri zâhir olan Mehmed b. Mustafa ve diğer Mehmed b. Ahmed nâm kimesneler ile muvâcehesinde vech-i şer‘î üzere isbât etmeğin mûcebince câriye-i mezbûreyi müdde‘iye-i mezbûreye teslîme mezbûr el-Hâc Mustafa’ya tenbîh olunduğu huzûr-ı âlîlerine i‘lâm olundu. Fî 4 Muharrem sene [1]144.