Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 318 Hüküm no: 379 Orijinal metin no: [78b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avanis’in kiracısı Nora’dan evini boşaltma tenbihi Ma‘rûz. Sahib-i arzuhâl Avanis zimmî derûn-ı arzuhâlde mezkûr menzilinde müşâhareten müste’ciresi olan Nora nâm Nasrâniye muvâcehesinde menzil-i mezkûrun kendiye lüzûmu olmağla re’s-i şehirde menzil-i mezkûru tahliye ve kendiye teslîm olunmasını taleb ve da‘vâ eyledikde mesfûre Nora ikrâr ve i‘tirâf etmeğin mûcebince işbu Muharrem gāyetinde menzil-i mezkûru tahliye ve müdde‘î-yi mezbûra teslîme mezbûre Nora’ya tenbîh olunduğu huzûr-ı âlîlerine i‘lâm olundu. Fî 7 min-Muharrem sene 1144.