Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 318 Hüküm no: 381 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Mahmud’un sağlığında ekmekçi fırını malzemesini Mehmed Bey’e sattığının anlaşıldığı Ma‘rûz. Derûn-ı arzuhâlde mezkûr müteveffâ Mustafa b. Mahmud nâm kimesnenin verâseti li-ebeveyn kız karındaşı Asiye ile li-ebeveyn er karındaşı oğulları Hüseyin ve Hasan ve Ömer ve Osman ve İbrahim’e münhasıra olmağla mezbûr Hüseyin meclis-i şer‘de hasmı Mehmed Bey’e mahzarında mûrisim müteveffâ-yı mezbûr ile’l-hayat taht-ı icâresinde olup Galata’da vâki‘ Ekmekçi fırınının âlât-ı ma‘lûmesinde olan hissemi mezbûr Mehmed bi-gayr-ı hakkın fuzûlî zabteder deyü da‘vâ ol dahi cevâbında mârrü’z-zikr Ekmekçi fırınını ve âlâtını hâl-i hayatında iki yüz guruşa bana bey‘ eyledi deyü da‘vâyı def‘ ve def‘-i mezkûrunu muvâcehesinde şühûd-ı udûlle isbât etmeğin mûcebince müdde‘î-yi mezbûr bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 7 Muharrem sene [1]144.