Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 319 Hüküm no: 383 Orijinal metin no: [79a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan ile karısı Ümmühani’nin bileziğini çaldıklarını iddia eden Hasan b. İbrahim’in bu iddiasını ispat edemediği Ma‘rûz. Dîvân-ı âlî çavuşlarından Mehmed Çavuş mübâşeretiyle Mahkeme-i Bâb’a ihzâr olunan Hasan b. İbrahim nâm kimesne ile zevcesi Ümmühani bt. Halil nâm hatundan hasımları diğer Ümmühani bt. Ahmed nâm hatun meclis-i şer‘de târih-i i‘lâmdan iki gün mukaddem Yahya-yı Güzel mahallesinde sâkine olduğum menzilime mezbûr Hasan ile zevcesi mezbûr Ümmühani müsâferet vechi üzere duhûl edip eşyâ-i memlûkemden on beş Macar altını kıymeti olan bir çift altın bileziğimi hufyeten ahz etmişlerdir deyü da‘vâ ve müdde‘âsını isbâtdan âciz olmağla talebiyle mezbûrân Hasan ve Ümmühani gıbbe’t-tahlîfi’ş-şer‘î mûcebince müdde‘iye-i mezbûra bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 min-Muharrem sene [1]144.