Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 321 Hüküm no: 389 Orijinal metin no: [79b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şark seferi için aşçı ve yamaklardan toplanıp İstanbul aşçıları elinde kalan paranın yamaklar arasında taksimi Ma‘rûz. Ashâb-ı arzuhâl olan hırfet erbâbı kethudâları asâleten ve vekâleten meclis-i şer‘de bir sene mukaddem şark cânibine azîmet birle ihrâcı fermân buyrulan ordu-yı hümâyûn mesârifiʼçün aşçı ve altı aded yamakları erbâbından cem‘ ve tahsîl olunan bin dört yüz seksen altı guruşdan ba‘de ihrâci’l-mesârif İstanbul aşçıları yedinde bâkī kalan altı yüz guruşa izzetlü defterdâr efendi dâ‘îleri tarafından müdâhale ve mu‘âraza olmamağla meblağ-ı bâkī-i mezkûr hırfet-i mezkûre ve yamakları erbâbı beyninde bi-tarîkı’l guremâ tevzî‘ ve taksîm olunmak bâbında fermân-ı âlî iltimâs eyledikleri huzûr-ı âlîlerine i‘lâm olundu. Fermân men-lehu’l-emrindir. Fî 8 Muharrem sene [1]144.