Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 326 Hüküm no: 400 Orijinal metin no: [80b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan ile Rum Patriki arasındaki alacak davasının sulhla sonuçlandığı Ma‘rûz. Sahib-i arzuhâl Hasan meclis-i şer‘de hâlâ Rum Patriki Paysiyos tarafından sâbitü’l-vekâle vekîli Kosta v. Aleksandıra muvâcehesinde derûn-ı arzuhâlde mezkûr müdde‘âsını bir vechile beyâna kādir olmamağın muslihîn tavassutuyla müvekkil-i mezbûr ile da‘vâ-yı mezkûresinden yirmi dört guruş üzerine sulh olup bedel-i sulh-ı mezkûrun on dört guruşunu müvekkil-i mezbûr yedinden ve on guruşunu vekîl-i mezbûrundan ahz u kabz eylediğinden sonra husûs-ı mezkûra müte‘allika âmme-i de‘âvî ve mutâlebât ve eymân ve muhâsamâtdan müvekkil-i mezbûr patriki ibrâ-i âmm-ı kātı‘u’n-nizâ‘la ibrâ ve ıskāt eyledim. Min-ba‘d mesfûr Patrik ile husûs-ı mezkûra müte‘allika vechen mine’l-vücûh da‘vâ ve nizâ‘ım yokdur dediği tescîl ve bi’l-iltimâs huzûr-ı âlîlerine i‘lâm olundu. Fî 16 Muharrem sene [1]144.