Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 335 Hüküm no: 411 Orijinal metin no: [83a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avanis’in Beyoğlu’nda bulunan bahçesini Hacı Mehmed’e sattığı Mübâya‘a. Mahrûse-i Galata kazâsına tâbi‘ Beyoğlu mahallesinde sâkin Avanis v. Aritun nâm Ermeni meclis-i şer‘-i şerîf-i enverde işbu bâ‘isü’l-kitâb el-Hâc Mehmed b. Ahmed mahzarında ikrâr ve takrîr-i kelâm edip silk-i mülkümde münselik olup mahalle-i mezbûrede vâki‘ bir tarafdan el-Hâc Mehmed ve bir tarafdan Aritun ve bir tarafdan Derzi Vasil mülkleri ve bir tarafdan tarîk-ı âm ile mahdûd bir kıt‘a mülk bahçemi bi-tarîkı’l-vefâ mezbûr el-Hâc Mehmed’e iki yüz guruşa bey‘ ve teslîm ol dahi ber-vech-i muharrer iştirâ ve tesellüm ve kabz ve kabûl edip semeni olan meblağ-ı mezbûr iki yüz guruşu mezbûr el-Hâc Mehmed yedinden tamamen ahz u kabz eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 10 Muharrem sene [1]144. Şuhûdü’l-hâl: el-Hâc Mehmed b. Hüseyin, Za‘îm Mehmed Ağa b. Mehmed, el-Hâc Mustafa b. el-Hâc Osman, es-Seyyid Mehmed b. es-Seyyid Mustafa, Mehmed Çelebi b. Abdullah, Salih Çelebi b. Süleyman.