Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 303 Hüküm no: 434 Orijinal metin no: [64a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Toma v. Adriyanos’un borcunu ödemesi Zümre-i râcilînden işbu sâhibü’l-kitâb Hasan Beşe b. Osman nâm kimesne meclis-i şer‘-i hatîr-i lâzımü’t-tevkīrde Toma v. Adriyanos nâm zimmî muvâcehesinde üzerine da‘vâ ve takrîr-i kelâm edip mezbûr Toma zimmîde cihet-i karz-ı şer‘îden üç bin fıddî râyic fi’l-vakt akçe hakkım vardır, ta‘allül eder suâl olunup alıverilmesi matlûbumdur dedikde gıbbe’s-suâl mezbûr Toma cevâbında fi’l-hakīka müdde‘î-i mezbûr Hasan Beşe’ye cihet-i karzdan zimmetimde üç bin fıddî râyic fi’l-vakt akçe lâzımü’l-edâ ve vâcibü’l-kazâ deynim vardır deyü tav‘an ikrâr u i‘tirâf etmeğin ikrârı mûcebince meblağ-ı mezbûr üç bin akçeyi mezbûr Hasan Beşe’ye edâ ve teslîme merhûm Toma’ya tenbîh-birle mâ-vaka‘a alâ-vukū‘ihî bi’t-taleb ketb ve terkīm olundu. Tahrîren fi’l-yevmi’l-hâmis min-Şevvâli’l-mükerrem li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Pîrî Beşe b. Hüseyin, Muharrem b. Abdullah, Rıdvan b. Abdullah, Mehmed b. Abdullah, Ramazan b. Yusuf ve gayruhum.