Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 375 Hüküm no: 458 Orijinal metin no: [94a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin el-Hâc Hüseyin mahallesindeki imâmet görevini diğer Mehmed Efendi’ye para kaşlığında bıraktığı Mahmiye-i İstanbul’da Sancakdâr Hayreddin mahallesi sâkinlerinden Mehmed Efendi b. Veliyüddin nâm kimesne meclis-i şer‘-i şerîfde mahmiye-i mezbûrede Samatyakapısı kurbünde el-Hâc Hüseyin mahallesinde sâkin es-Seyyid Mehmed Efendi b. es-Seyyid el-Hâc Mustafa mahzarında ikrâr ve takrîr-i kelâm edip mezbûr es-Seyyid Mehmed Efendi zikrolunan el-Hâc Hüseyin mahallesinde vâki‘ bâ-berât-ı âlîşân mutasarrıf olduğu imâmet hizmetini altı yüz guruş bedel mukābelesinde bana ferâğ ve kasr-ı yed eylediğinde ben dahi ba‘de’l-kabûl bedel-i mezkûru yedimden ahz u kabz ve mesârifine sarfla istihlâk eylediğinden sonra bedel-i mezkûra müte‘allika âmme-i de‘âvî ve mutâlebât ve eymân ve muhâsamâtdan mezbûr es-Seyyid Mehmed Efendi’nin zimmetini ibrâ-i âmm-ı râfi‘u’l-hısâm ile ibrâ ve ıskāt eyledim. Min-ba‘d bedel-i mezkûra müte‘allika mezbûr es-Seyyid Mehmed Efendi ile vechen mine’l-vücûh ve sebeben mine’l-esbâb da‘vâ ve nizâ‘ ve husûmetim yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 22 min-Muharremi’l-harâm sene [1]144. Şuhûdü’l-hâl: Murtaza Efendi b. Ahmed, Mehmed Bey b. İbrahim, el-Hâc Mehmed b. el-Hâc Hüseyin, Hasan Efendi b. Halil, Mehmed Ağa b. Hüseyin, el-Hâc Mustafa Ağa b. el-Hâc Mehmed, el-Hâc Abdullah b. Kumru? el-Hâc Mehmed.