Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 79 Hüküm no: 10 Orijinal metin no: [3a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Murtaza Ağa’nın Saliha Hatun’a kalan terekeyi ulaştırmak üzere Mustafa Beşe’den aldığı Ahz u kabz Vilâyet-i Anadolu’da Kerkük kasabası ahâlîsinden olup mahmiye-i İstanbul’da Dergâh-ı âlî yeniçerilerinin seksen yedi cemâ‘at yoldaşlarından Mustafa Beşe b. Hasan meclis-i şer‘-i hatîr-ı lâzımü’t-tevkīrde kasaba-i mezkûre ahâlîsinden olup mahmiye-i mezbûrede Şekerciler Hanı’nda müsâfiren sâkin iken bundan akdem vefât eden el-Hâc İsmail b. Ahmed nâm kimesnenin cemî‘ terekesini ahz u kabz edip kasaba-i mezbûrede sâkine li-ebeveyn kız karındaşı Saliha nâm hatuna îsâle ber-mûceb-i hüccet-i şer‘iyye vasiyy-i muhtârı olan bâ‘isü’l-kitâb Serdengeçdi Ağası Murtaza Ağa b. Ebubekir nâm kimesne mahzarında ikrâr ve takrîr-i kelâm edip merkūm Murtaza Ağa ber-vech-i muharrer vasî olduğu müteveffâ-yı mezbûrun terekesinden bi’l-vesâye kabz eylediği yetmiş dokuz guruşu müteveffâ-yı mezbûrun vârisesi mezbûr Saliha Hatun’a îsâl ve teslîm için bana def‘ ü teslîm ben dahi ber-vech-i meşrûh yedinden ahz u kabz eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin min-Zilhicceti’ş-şerîfe li-sene isneyn ve hamsîn ve mi’e ve elf. Şuhûdü’l-hâl: eş-Şeyh Ahmed b. el-Hâc İbrahim, Musa Ağa b. Mustafa, İsmail Ağa b. Ali Ağa, Hüseyin Ağa b. Veliyüddin, Çâmeşûycu Osman b. Mustafa, Berber Mahmud b. Abdi, Berber Süleyman b. Ahmed, İbrahim b. Ali