Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 80 Hüküm no: 12 Orijinal metin no: [3a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Ağa’nın emaneten Yani’ye verdiği parayı geri aldığı Ahz u kabz Mahmiye-i İstanbul’da Davud Paşa İskelesi kurbünde Kasab İlyas mahallesinde sâkin Halil Ağa b. Mehmed nâm kimesne meclis-i şer‘-i hatîr-ı lâzımü’t-tevkīrde tüccâr tâifesinden bâ‘isü’s-sifr Yani v. Ayan nâm zimmî muvâcehesinde ikrâr ve takrîr-i kelâm edip târîh-i kitâbdan bir sene mukaddem medîne-i Belgrad seferine gider olduğumda gāib ani’l-meclis hizmetkârım Salih nâm kimesne yediyle mâlından altmış iki guruş bi-tarîkı’l-emâne merkūm Yani’ye def‘ ü teslîm ol dahi ber-vech-i muharrer ahz u kabz etmiş idi. Hâlâ merkūm Yani meblağ-ı mezbûru bana def‘ ü teslîm eyledikde ben dahi yedinden tamâmen ahz u kabz eyledim ba‘de’l-yevm meblağ-ı mezbûr altmış iki guruşdan merkūm Yani zimmetinde bir akçe ve bir habbe bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 6 min-Zilhicce 1152. Şuhûdü’l-hâl: Süleyman Çelebi b. Halil Kayseriyeli, Ahmed b. Abdullah Kayseriyeli, el-Hâc Ali Ağa b. Yunus, el-Hâc Ahmed b. Ömer