Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 85 Hüküm no: 18 Orijinal metin no: [4a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sadıka Hatun’un Şehriban’ı azat ettiği Itâknâme Mahmiye-i İstanbul’da Balaban Ağa mahallesi sâkinelerinden olup zâtı ta‘rîf-i şer‘î ile mu‘arrefe olan Sadıka bt. Abdullah nâm hatun meclis-i şer‘-i hatîr-ı lâzımü’t-tevkīrde kendüye rıkk-ı sâbıkını mu‘terife olan orta boylu, kara gözlü, kara kaşlı, Acemiyyetü’l-asl Müslimetü’n-neseb bâ‘isetü hâzihi’l-vesîka Şehriban bt. Abdullah muvâcehesinde ikrâr-ı tâm ve takrîr-i kelâm edip mevsûfe-i mezbûre Şehriban’ı hasbeten lillâhi te‘âlâ ve taleben li-merzâti Rabbihi’l-a‘lâ cemî‘ mâlımdan tahrîr ve i‘tâk ve kayd-ı rıkkıyetden ıtlâk ve harâir-i asliyât silkine idrâc ve ilhâk eyledim fîmâ-ba‘d mevsûfe-i mezbûre Şehriban sâir harâir-i asliyât gibi hürre olup üzerinde velâ-i şer‘îden gayrı hakkım bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis aşer min-Zilhicceti’ş-şerîfe sene 1152. Şuhûdü’l-hâl: Ali Efendi b. Şa‘bân, Başçuka[dâr] Hacı Ahmed Ağa b. Abdullah, Esir Çelebi b. İsmail, Salih Çelebi b. Süleyman