Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 86 Hüküm no: 21 Orijinal metin no: [4b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un eşi Ahmed ile muhâlaa yoluyla boşandığı Muhâla‘a Mahmiye-i İstanbul’da Mimârsinan mahallesi sâkinelerinden olup zâtı Mustafa b. Mehmed ve Süleyman b. Ahmed ta‘rîfleriyle mu‘arrefe olan Âişe bt. Abdullah nâm hatun meclis-i şer‘-i hatîr-ı lâzımü’t-tevkīrde zevc-i dâhili işbu râfi‘ü’l-kitâb Ahmed b. Ali mahzarında ikrâr ve takrîr-i kelâm edip mezbûr Ahmed zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh olan bin dört yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Ahmed ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 14 min-Zilhicce sene 1152. Şuhûdü’l-hâl: Mustafa b. Mehmed, Süleyman b. Ahmed, diğer Mustafa b. Mehmed, el-Hâc Mustafa b. Hacı Mehmed, es-Seyyid Mustafa Ruhalı