Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 87 Hüküm no: 22 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un eşi Murtaza ile muhâlaa yoluyla boşandığı Muhâla‘a Mahmiye-i İstanbul’da Dülgerzâde mahallesi sâkinelerinden olup zâtı Mustafa Çelebi b. Mehmed ve Molla Hasan b. Ali nâm kimesneler ta‘rîfleriyle mu‘arrefe olan Fâtıma bt. Abdullah nâm hatun meclis-i şer‘-i hatîr-ı lâzımü’t-tevkīrde zevc-i dâhili bâ‘is-i hâze’l-kitâb Murtaza b. Ali nâm kimesne mahzarında ikrâr ve takrîr-i kelâm edip mezbûr Murtaza zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh bin sekiz yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Murtaza ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete ve sâire müte‘allıka âmme-i da‘vâdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 16 min-Zilhicce sene 1152. Şuhûdü’l-hâl: Mehmed Emin Efendi, Bostanzâde Ahmed Efendi, es-Seyyid Ömer Efendi, Süleyman b. Mustafa, Hüseyin b. Ömer, Mustafa b. Ebubekir