Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 87 Hüküm no: 23 Orijinal metin no: [4b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha Hatun’un eşi Mehmed Beşe ile muhâlaa yoluyla boşandığı Muhâla‘a Havâss-ı refî‘a kazâsı muzâfâtından Kâğıdhâne karyesinde sâkine olup zâtı Hüseyin ve Hasan b. Mustafa nâm kimesneler ta‘rîfleriyle mu‘arrefe olan Saliha bt. Durmuş nâm hatun meclis-i şer‘-i hatîr-ı lâzımü’t-tevkīrde zevc-i dâhili bâ‘is-i hâze’l-kitâb Mehmed Beşe b. İbrahim nâm kimesne mahzarında ikrâr ve takrîr-i kelâm edip mezbûr Mehmed Beşe zevcem olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh on beş guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Mehmed Beşe ile muhâla‘a-i sahîha şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete ve sâire müte‘allıka târîh-i kitâba gelince âmme-i de‘âvî ve kâffe-i mutâlebâtdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 15 min-Zilhicce sene 1152. Şuhûdü’l-hâl: Halil Çelebi b. Mehmed, Hüseyin Beşe b. Mustafa, Hasan Beşe b. Mustafa, es-Seyyid Mustafa Ruhalı