Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 88 Hüküm no: 24 Orijinal metin no: [4b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun ile Mehmed Efendi’nin boşandıkları (muhâlaa) Bi-imzâ-i Efendi, muhâla‘a Mahmiye-i İstanbul’da Mollagürânî mahallesinde sâkine ve zâtı Mehmed Efendi b. Mustafa ve İbrahim b. Abdullah nâm kimesneler ta‘rîfleriyle mu‘arrefe olan Hadîce bt. Abdülmennan nâm hatun Dîvân-ı Sadrazammî’de ma‘kūd-ı meclis-i şer‘-i hatîr-ı lâzımü’t-tevkīrde zevc-i dâhili işbu bâ‘isü’l-vesîka Mehmed Efendi b. Abdullah nâm kimesne mahzarında ikrâr-ı tâm ve takrîr-i kelâm edip mezbûr Mehmed Efendi zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh yüz guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Mehmed Efendi ile [5a] muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete müte‘allıka ve işbu târîh-i vesîkaya gelince beynimizde cereyân eden hukūk-ı ma‘lûme ve mechûleye müte‘allıka âmme-i de‘âvî ve kâffe-i mutâlebâtdan her birimiz âharın zimmetini ibrâ-i âmm-ı râfi‘ü’l-hısâm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis min-Zilhicceti’ş-şerîfe sene 1152. Şuhûdü’l-hâl: Mehmed Efendi b. Mustafa Çelebi, Mustafa b. İbrahim, Halil b. Mustafa Çelebi, Mustafa Çavuş b. Abdullah, Salih b. Süleyman