Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 90 Hüküm no: 27 Orijinal metin no: [5a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb bt. Hüseyin’in yanında bulunan Ayşe’ye nafaka takdiri Nafaka, alâ-men-lehü’t-taleb Mahmiye-i İstanbul’da Sofular mahallesi sâkinelerinden olup zâtı ta‘rîf-i şer‘î ile mu‘arrefe olan bâ‘isetü hâzihi’l-vesîka Zeyneb bt. Hüseyin nâm hatun meclis-i şer‘-i hatîr-ı lâzımü’t-tevkīrde takrîr-i kelâm edip işbu yedimde olan Âişe nâm sagīrenin kimesnesi olmayıp li-ecli’t-terbiye yedimde olan sagīre-i mezbûrenin nafaka ve kisve ve sâir levâzım-ı zarûriyesi’çün men-lehü’t-taleb ve’l-ahz üzerine kıbel-i şer‘den kadr-ı kifâye meblağ farz ve takdîr olunmak matlûbumdur dedikde hakīkat-i hâl mezbûre Zeyneb’in takrîr-i meşrûhası üzere olduğunu zeyl-i vesîkada mektûbü’l-esâmî Müslimîn haberleriyle müte‘ayyen oldukdan sonra hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi mezbûre Âişe’nin nafaka ve kisve ve sâir levâzım-ı zarûriyesi için men-lehü’t-taleb ve’l-ahz üzerine târîh-i kitâbdan beher yevm sekizer akçe farz ve takdîr buyurup meblağ-ı mefrûz-ı mezbûr sekizer akçeyi sagīre-i mezbûre Âişe’nin nafaka ve kisve ve sâir levâzım-ı zarûriyesine harc ü sarfa ve lede’l-iktizâ istidâneye ve inde’z-zafer men-lehü’t-taleb ve’l-ahz üzerine rücû‘a mezbûre Zeyneb Hatun’a izin birle mâ-vaka‘a bi’t-taleb ketb olundu. Fi’l-yevmi’s-sâdis aşer min-Zilhicceti’ş-şerîfe sene 1152. Şuhûdü’l-hâl: Hicâbî Hacı İbrahim, Mehmed b. Ahmed, Musa Odabaşı, Mustafa b. Ahmed, Ali Çavuş Ağa, Ömer Ağa b. Mehmed, Mustafa Ağa b. (°)