Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 102 Hüküm no: 43 Orijinal metin no: [7b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Salih’in eşi Mustafa’dan muhâlaa yoluyla boşandığı Muhâla‘a bi-imzâ-i efendi Mahmiye-i İstanbul’da Zeyrekzâde mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Emine bt. Salih nâm hatun meclis-i şer‘-i şerîf-i enverde zevc-i muhâli‘ı bâ‘is-i hâzihi’l-vesîka Mustafa Ağa b. Ebubekir nâm kimesne mahzarında ikrâr-ı tâm ve takrîr-i kelâm edip mezbûr Mustafa Ağa zevc-i dâhilim olup zimmetinde mütekarrer ve ma‘kūdün-aleyh olan yedi bin akçe mehr-i müeccel hakkım ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru kabûl eyledikden sonra hukūk-ı zevciyete ve sâir işbu târîh-i vesîkaya beynimizde cereyân eden cemî‘ ahz u i‘tâ ve mu‘âmelât-ı şettâdan hukūk-ı ma‘lûme ve mechûleye müte‘allıka âmme-i de‘âvî ve kâffe-i mutâlebâtdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâdî ve’l-ışrîn min-Zilhicceti’ş-şerîfe sene 1152. Şuhûdü’l-hâl: Süleyman Ağa b. Abdullah, Ali b. Abdullah, es-Seyyid Mustafa b. es-Seyyid Hasan, el-Hâc Ahmed Ağa b. Abdullah, Mustafa b. Mehmed muhzır