Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 109 Hüküm no: 54 Orijinal metin no: [8b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife Hatun’un eşi Veliyüddin ile muhâlaa yoluyla boşandığı Muhâla‘a Mahmiye-i İstanbul’da Yenibahçe kurbünde Karabaş mahallesinde sâkine ve zâtı Mehmed b. Ahmed [ve] es-Seyyid Mustafa b. es-Seyyid Hasan ta‘rîfleriyle mu‘arrefe olan Hanife bt. Abdullah nâm hatun meclis-i şer‘-i hatîr-ı lâzımü’t-tevkīrde zevc-i dâhili işbu bâ‘isü’l-vesîka Veliyüddin b. Ali mahzarında ikrâr ve takrîr-i kelâm edip mezbûr Veliyüddin zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh üç bin üç yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere mezbûr Veliyüddin ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru kabûl ve hukūk-ı zevciyete müte‘allıka âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 23 min-Zilhicce sene 1152. Şuhûdü’l-hâl: Ali Çelebi b. Abdullah, es-Seyyid Mustafa b. es-Seyyid Hasan, Üsküdarî Ali b. (°), Mehmed Beşe b. Ahmed