Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 111 Hüküm no: 57 Orijinal metin no: [9a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in eşi Abdullah’tan muhâlaa yoluyla boşandığı Muhâla‘a Mahmiye-i İstanbul’da Seferikoz mahallesinde sâkine olup zâtı Mehmed b. Sefer ve Hasan b. Abdullah nâm kimesneler ta‘rîfleriyle mu‘arrefe olan Âişe bt. Mehmed nâm hatun meclis-i şer‘-i şerîf-i enverde zevc-i dâhili bâ‘isü’l-vesîka es-Seyyid Abdullah b. es-Seyyid Mustafa nâm kimesne mahzarında ikrâr ve takrîr-i kelâm edip mezbûr es-Seyyid Abdullah zevcim [ile] beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerine olmak üzere zevcim mezbûr es-Seyyid Abdullah ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezkûru ba‘de’l-kabûl hukūk-ı [zevciyete] müte‘allıka da‘vâdan her birimiz âharın zimmetini ibrâ-i âmm-ı katı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn min-Zilhicceti’ş-şerîfe li-sene isneyn ve hamsîn ve mi’e ve elf. Şuhûdü’l-hâl: Solak Mustafa Çelebi b. el-Hâc, Ali Çelebi b. Abdullah, Hasan b. Ali, Mehmed Çelebi b. Abdullah