Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 113 Hüküm no: 60 Orijinal metin no: [9a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Şükür’ün Yakub Efendi’ye olan borcunu Yakub’un babası Abdulkadir Geylânî’ye ödemesi İkrâr-ı deyn Medîne-i Şam-ı şerîf ahâlîsinden olup mahmiye-i İstanbul’da müsâfiren sâkin bâ‘is-i hâze’l-kitâb es-Seyyid Yakub Efendi b. es-Seyyid Abdulkadir Geylânî meclis-i şer‘-i hatîr-ı lâzımü’t-tevkīrde el-Hâc Ahmed Şükür b. (°) mahzarında üzerine da‘vâ ve takrîr-i kelâm edip mezbûr el-Hâc Ahmed Şükür zimmetinde cihet-i karz-ı şer‘îden beş yüz guruş hakkım olmağla suâl olunup alıverilmesi matlûbumdur dedikde gıbbe’s-suâl mezbûr el-Hâc Ahmed Şükür dahi fi’l-hakīka müdde‘î-i mezbûra cihet-i mezkûreden beş yüz guruş deyni olduğunu ikrâr ve i‘tirâf etmeğin alâ-mûceb-i i‘tirâfihî meblağ-ı mezbûr beş yüz guruşu mezbûr es-Seyyid Yakub Efendi’ye edâ ve teslîme mezbûr el-Hâc Ahmed Şükür’e tenbîh olundukdan sonra müdde‘î-i mezbûr es-Seyyid Yakub Efendi meblağ-ı mezbûr beş yüz guruşu hâlâ Şam-ı şerîfde sâkin pederim mezbûr es-Seyyid Abdulkadir Geylânî’ye tamâmen teslîm eyle deyü mezbûr el-Hâc Ahmed Şükür’e emr etmekle ol dahi emr-i mezkûruna binâen meblağ-ı mezbûru pederi merkūm es-Seyyid Abdulkadir Geylânî’ye Şam-ı şerîfde edâ ve teslîme ta‘ahhüd etmeğin mâ-vaka‘a bi’t-taleb ketb olundu. Fî 23 min-Zilhicce sene 1152. Şuhûdü’l-hâl: Halil Bey b. Mahmud, el-Hâc İbrahim b. Abdurrahman, Mehmed b. Ömer, Abdullah b. Abdullah, İbrahim b. Osman