Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 129 Hüküm no: 80 Orijinal metin no: [12a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim sipahinin Uşak Başkesen’deki tımarını Salih’e sattığı Kasr-ı timâr Vilâyet-i Anadolu’da Kütahya sancağında Uşak kazâsına tâbi‘ Kırkyalan [Kırkyaren] nâm karye ahâlîsinden olup mahmiye-i İstanbul’da müsâfiren sâkin İbrahim sipâhi b. Ali meclis-i şer‘-i şerîf-i enverde bâ‘isü’l-vesîka Salih b. Mehmed mahzarında ikrâr ve takrîr-i kelâm edip Uşak nâhiyesinde vâki‘ Başkesen nâm karye ve gayrıdan iki bin akçe yazılı berât-ı âlîşân ile mutasarrıf olduğum timârımı kendi hüsn-i rızâ ve ihtiyârımla kırk beş guruş bedel mukābelesinde mezbûr Salih’e ferâğ ve kasr-ı yed ve berâtımı kendüye def‘ ve teslîm eylediğimde ol dahi ber-vech-i muharrer kabûl etmekle timâr-ı mezkûrda kat‘an benim alâka ve medhalim kalmamışdır mezbûr Salih emsâli gibi mutasarrıf olsun dedikde gıbbe’t-tasdîkı’l-mu‘teber mâ-vaka‘a bi’t-taleb ketb olundu. Fî 29 min-Zilhicce sene 1152. Şuhûdü’l-hâl: Mehmed Çelebi b. Abdullah, Ahmed Çelebi b. Şa‘bân, el-Hâc Mehmed Arabzâde, Abdülbaki Çelebi el-muhzır