Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 133 Hüküm no: 86 Orijinal metin no: [13a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Halil’in eşi Hüseyin’den muhâlaa yoluyla boşandığı Muhâla‘a Mahmiye-i İstanbul’da Ördek Kasab mahallesinde sâkine ve zâtı Mustafa b. Mehmed ve Süleyman b. Salih ta‘rîfleriyle mu‘arrefe olan Fâtıma bt. Halil nâm hatun meclis-i şer‘-i şerîf-i enverde zevc-i dâhili işbu râfi‘ü’l-kitâb Hüseyin b. Receb mahzarında ikrâr ve takrîr-i kelâm edip mezbûr Hüseyin zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh bin dokuz yüz yirmi akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere mezbûr Hüseyin ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ-i âmm-ı katı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 28 min-Zilhicce sene 1152. Şuhûdü’l-hâl: Mustafa b. Mehmed, Şa‘bân b. Salih, Ali b. Abdullah, Molla Hüseyin du‘âcı