Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 138 Hüküm no: 93 Orijinal metin no: [13b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Mustafa’nın eşi Ramazan’dan muhâlaa yoluyla boşandığı Muhâla‘a Mahmiye-i İstanbul’da Manisalı Çelebi mahallesi sâkinelerinden olup zâtı ta‘rîf-i şer‘î ile mu‘arrefe olan Fâtıma bt. Mustafa nâm Kıbtiye meclis-i şer‘-i şerîf-i enverde zevc-i dâhili işbu râfi‘ü’l-kitâb Ramazan b. Mehmed nâm Kıbtî mahzarında ikrâr-ı tâm ve takrîr-i kelâm edip mezbûr Ramazan zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh sekiz bin dört yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere mezbûr Ramazan ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî-selhi Zilhicceti’ş-şerîfe sene 1152. Şuhûdü’l-hâl: es-Seyyid Mustafa b. Hasan, el-Hâc Mustafa b. Mehmed, Hüseyin Çelebi b. Hacı Mehmed, el-Hâc Ahmed b. (°)