Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 142 Hüküm no: 99 Orijinal metin no: [14b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Margos v. Abraham’ın bazı eşyasını Bedros’a sattığı Mahmiye-i İstanbul’da Karagümrük kurbünde Ali Paşa-i atîk mahallesinde mütemekkin Margos v. Abraham nâm zimmî meclis-i şer‘-i hatîr-ı lâzımü’t-tevkīrde güveyisi bâ‘is-i hâze’s-sifr Bedros v. Abraham nâm zimmî muvâcehesinde ikrâr ve takrîr-i kelâm edip akd-i âtî sudûruna değin yedimde mülküm olan eşyâ-i memlûkemden dokuz vakıyye evân-ı nühâs ve kırk beş vakıyye yün ve iki yemenî yorganımı tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile mezbûr Bedros’a bi-safkatin vâhidetin yirmi guruşa bey‘ ve temlîk ve teslîm eylediğimde ol dahi ber-vech-i muharrer iştirâ ve temellük ve tesellüm ve kabz ve kabûl eylediğinden sonra semen-i mezkûr yirmi guruş mutâlebesinden mezbûr Bedros’un zimmetini ibrâ-i âmm-ı râfi‘ü’l-hısâm ile ibrâ ve ıskāt eyledim ba‘de’l-yevm eşyâ-i muharrere-i mezkûrede benim kat‘an alâka ve medhalim kalmayıp mezbûr Bedros’un mülk-i müşterâsı olmuşdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 27 min-Zilhicce sene 1152. Şuhûdü’l-hâl: Ali b. Abdullah, Salih b. Süleyman, Hasan b. Mehmed, Hüseyin Çelebi b. Mehmed, es-Seyyid Mustafa b. Hasan