Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 147 Hüküm no: 105 Orijinal metin no: [15a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un eşi Abdullah’dan muhâlaa yoluyla boşandığı Bi-imzâ-i efendi Muhâla‘a Mahmiye-i İstanbul’da Eski İmâret mahallesinde sâkine ve zâtı ta‘rîf-i şer‘î ile mu‘arrefe olan Âişe bt. Abdullah nâm hatun meclis-i şer‘-i şerîf-i enverde zevc-i muhâla‘ı sâhib-i hâzihi’l-vesîka es-Seyyid Mustafa b. Ali nâm kimesne mahzarında ikrâr-ı tâm ve takrîr-i kelâm edip mezbûr es-Seyyid Mustafa zevc-i dâhilim olup hüsn-i mu‘âşeretimiz olmamağla zimmetinde mütekarrer ve ma‘kūdün-aleyh olan yirmi guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr es-Seyyid Mustafa ile muhâla‘a-i sahîha-i şer‘iyye ile hul‘ olduğumda ol dahi ber-vech-i mübeyyen hul‘-i mezbûru ba‘de’l-kabûl hukūk-ı zevciyete müte‘allıka âmme-i de‘âvî ve kâffe-i mutâlebât ve eymân ve muhâsamâtdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis min-Muharremi’l-harâm sene 1153. Şuhûdü’l-hâl: es-Seyyid Ali b. Mustafa, Ali b. Abdullah, Salih Çelebi b. Süleyman, es-Seyyid Ahmed b. Abdullah