Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 150 Hüküm no: 109 Orijinal metin no: [15b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in eşi Süleyman’dan muhâlaa yoluyla boşandığı Muhâla‘a Mahmiye-i İstanbul’da Çıkrıkçı Kemâl mahallesinde sâkin ve zâtı zeyl-i vesîkada isimleri mastûr İmâm Mustafa Efendi b. Eyüb ve Müezzin Molla İsmail b. Mehmed ta‘rîfleriyle mu‘arrefe olan Âişe bt. Mehmed nâm hatun meclis-i şer‘-i şerîf-i enverde zevc-i muhâlı‘ı bâ‘isü hâzihi’l-vesîka Bayrakdâr Süleyman Beşe b. Abdullah mahzarında ikrâr-ı tâm ve takrîr-i kelâm edip merkūm Süleyman Beşe zevc-i dâhilim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere merkūm Süleyman Beşe ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru kabûl ve hukūk-ı zevciyete ve târîh-i vesîkaya gelince sâire müte‘allıka âmme-i de‘âvî ve kâffe-i mutâlebâtdan her birimiz âharın zimmetini ibrâ-i âmm-ı katı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 3 min-Muharrem sene 1153. Şuhûdü’l-hâl: İmâm Mustafa Efendi b. Eyüb, İsmail b. Mehmed müezzin, Hasan b. Ahmed, Ahmed b. Hüseyin, Ahmed b. Mustafa, Solak Mustafa b. Mehmed, Abdullah b. Mehmed, Ömer b. (°)