Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 154 Hüküm no: 114 Orijinal metin no: [16b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Odabaşı’nın boşadığı Hanife Hatun’un kocasından hakkını aldığı Nikâhını ahz Mahmiye-i İstanbul’da Yenibahçe kurbünde Kadıasker Mehmed Efendi mahallesinde sâkine Hanife bt. el-Hâc Yusuf b. Abdullah nâm hatun tarafından husûs-ı âti’l-beyânda vekîl olduğu zât-ı mezbûreyi ârifân el-Hâc Mehmed b. Mustafa ve el-Hâc Hüseyin b. el-Hâc Ali şehâdetleriyle sâbit olan Âişe bt. Ali nâm hatun zâtı ba‘de’t-ta‘rîfi’ş-şer‘î meclis-i şer‘-i hatîr-ı lâzımü’t-tevkīrde müvekkile-i mezbûrenin zevc-i dâhili işbu bâ‘isü’l-kitâb Mustafa Odabaşı b. Ali mahzarında bi’l-vekâle ikrâr ve takrîr-i kelâm edip mezbûr Mustafa Odabaşı târîh-i kitâb günü müvekkilem mezbûre Hanife Hatun’u bâyinen tatlîk etmekle zimmetinde mütekarrer ve ma‘kūdün-aleyh elli guruş mehr-i müeccel ile nafaka-i iddet ve me’ûnet-i süknâsı’çün dahi bi’t-terâzi ta‘yîn olunan on guruş ki cem‘an altmış guruşu mezbûr Mustafa Odabaşı bana edâ ve teslîm ben dahi bi’l-vekâle tamâmen yedinden ahz u kabz eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 5 min-Muharremi’l-harâm sene 1153. Şuhûdü’l-hâl: Mehmed Ağa b. Mehmed, Mehmed Çelebi b. Abdullah, el-Hâc Mehmed b. Mustafa, Molla Hüseyin du‘âcı