Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 155 Hüküm no: 116 Orijinal metin no: [16b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Veliyüddin’den boşanan Emine Hatun’un mehrini aldığı Mehrini ahz Mahmiye-i İstanbul’da Kırkçeşme kurbünde Firuz Ağa mahallesinde sâkine olup zâtı Ali Beşe b. Mustafa ve İbrahim Beşe b. Ali ta‘rîfleriyle mu‘arrefe olan Emine Hatun bt. Abdullah meclis-i şer‘-i şerîf-i enverde zevc-i mutallıkı bâ‘isü’l-kitâb Ahmed b. Veliyüddin nâm kimesne mahzarında ikrâr ve takrîr-i kelâm edip mezbûr Ahmed zevcim olup târîh-i kitâb günü bâyinen beni tatlîk etmekle zimmetinde mütekarrer ve ma‘kūdün-aleyh iki bin beş yüz akçe mehr-i müeccelim ile bi’t-terâzi nafaka-i iddet-i meûnet-i süknâm için dahi ta‘yîn olunan üç yüz altmış akçe ki cem‘an iki bin sekiz yüz altmış akçeyi mezbûr Ahmed bana def‘ ü teslîm ettikde ben dahi yedinden tamâmen ahz u kabz eylediğimden sonra hukūk-ı zevciyete müte‘allıka âmme-i da‘vâdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin min-Muharremi’l-harâm sene 1153. Şuhûdü’l-hâl: Emin Ağa b. Süleyman, Mustafa b. Salih, Ali Beşe b. Mustafa, İbrahim Beşe b. b. Ali