Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 166 Hüküm no: 129 Orijinal metin no: [18b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey’in Mahmud Çavuş Vakfı’na olan borcundan başka vakıfla ilgili davası olmadığı El-emru hasbemâ hurrire fîhi nemekahû el-fakīr ileyhi azze şânühû Abdullah el-kādı bi-medîneti Kostantıniyye el-mahmiye -Gufira lehû- İbrâ Mahmiye-i İstanbul’da Mimârayas mahallesinde sâkin el-Hâc Mehmed Bey b. Abdülbaki Efendi b. Yakub nâm kimesne meclis-i şer‘-i şerîf-i enverde merhûm Mahmud Çavuş Vakfı’na evlâdiyet ve meşrûtiyet üzere mütevellî olan sâhib-i hâzihi’l-vesîka Feyzullah Efendi b. İbrahim Efendi mahzarında ikrâr-ı tâm ve takrîr-i kelâm edip vakf-ı mezbûra ber-mûceb-i hüccet-i şer‘iyye zimmetimde cem‘an iki bin dört yüz elli altı guruş deynim olup bundan akdem meblağ-ı mezbûrdan mâ‘adâ mütevellî-yi mezbûr ile beynimizde mu‘âmelât-ı şettâ vâkı‘a olmuş idi, el-hâletü hâzihi gerek vakf-ı mezbûra ve gerek sâir cemî‘ mu‘âmelât-ı şettâdan hukūk-ı ma‘lûme ve mechûleye müte‘allıka âmme-i de‘âvî ve kâffe-i mutâlebâtdan gerek cânib-i vakf-ı mezbûru ve gerek mütevellî-yi mezbûr Feyzullah Efendi’nin zimmetini ibrâ-i âm ile ibrâ ve ıskāt eyledim ba‘de’l-yevm aslâ ve kat‘â da‘vâ ve nizâ‘ım ve bir akçe hakkım olmayıp ve meblağ-ı mezbûr iki bin dört yüz elli altı guruş zimmetimde el-ân vakf-ı mezbûra deynimdir dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ min-Muharremi’l-harâm sene 1153. Eş-şâhidûnü’s-sâbikūn