Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 174 Hüküm no: 139 Orijinal metin no: [20a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hüseyin’in eşi Mustafa’dan muhâlaa yoluyla boşandığı Muhâla‘a Mahmiye-i İstanbul’da Karaki mahallesinde sâkine olup zâtı İsmail Ağa b. Ahmed ve Mustafa Beşe b. Şa‘bân ta‘rîfleriyle mu‘arrefe olan Âişe bt. Hüseyin nâm hatun meclis-i şer‘-i hatîr-ı lâzımü’t-tevkīrde zevc-i dâhili bâ‘is-i hâze’l-kitâb Mustafa b. İbrahim mahzarında ikrâr ve takrîr-i kelâm edip mezbûr Mustafa zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh altı bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Mustafa ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete müte‘allıka âmme-i da‘vâdan mezbûr Mustafa’nın zimmetini ibrâ ve ıskāt eylediğimde ol dahi kezâlik hukūk-ı zevciyete müte‘allıka âmme-i da‘vâdan benim zimmetimi ibrâ ve ıskāt eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 13 Muharrem sene 1153. Şuhûdü’l-hâl: Hasan b. Hüseyin, Ali Beşe b. Mehmed, Osman b. Ali, Ömer b. Hasan, İsmail Ağa b. Ahmed, Abdullah Çelebi b. Ahmed, Mehmed Ağa b. Mustafa, Mehmed Efendi b. Ali