Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 181 Hüküm no: 147 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Ebubekir’in Kumkapı iskelesi arka hamalları kethüdası tayin edildiği Arka hamalların kethüdâlık hücceti Mahmiye-i İstanbul hısnı ebvâbından Kumkapı iskelesinde vâki‘ arka hamallarından es-Seyyid Abdi b. Habib ve es-Seyyid Ahmed b. Mehmed ve Yusuf b. Hüseyin ve es-Seyyid Halil b. Ali ve Mustafa b. Ali ve Süleyman b. Ebubekir ve Musa b. Abdullah ve Mehmed b. Hasan ve Ahmed b. Mustafa ve es-Seyyid Hüseyin b. Hasan ve Ahmed b. Mustafa ve Hüseyin b. Ali ve Ali b. Mehmed ve es-Seyyid Mehmed b. İbrahim ve Veli b. Ebubekir ve Mehmed b. Osman ve es-Seyyid Süleyman b. Bektaş ve es-Seyyid Osman b. Ahmed ve Mustafa b. Mehmed ve Abdurrahman b. Ahmed ve Ali b. Musa ve İsmail b. Süleyman ve İbrahim b. Osman ve es-Seyyid Feyzullah b. Osman ve es-Seyyid Mehmed b. Veli ve Mehmed b. İbrahim ve es-Seyyid Abdullah b. Mustafa ve es-Seyyid Mustafa Halil ve Mustafa b. Murtaza ve es-Seyyid Ebubekir b. Selim ve Ahmed b. Ali ve Abdullah b. Hüseyin ve Kasım b. Hüseyin ve Mehmed b. Mustafa ve Abdullah b. Ömer ve Mehmed b. Ahmed ve es-Seyyid Mustafa b. Ali ve Mehmed b. Ali ve Osman b. Mehmed ve Yusuf b. Abdullah ve Veli b. Yusuf nâm kimesneler Karagöz v. Ayvaz ve İbrail v. Serkiz ve Bogos v. Avanes ve Karayoz v. Balador ve Kazar v. Oseb ve Manok v. Boşak ve Sefter v. Yorgi ve Morat v. Haçok ve Aslan v. Haçok ve Anton v. Arakil ve Todori v. Margos nâm zimmîler ve sâirleri meclis-i şer‘-i hatîr-ı lâzımü’t-tevkīrde her biri takrîr-i kelâm ve ta‘bîr ani’l-merâm edip hâlâ baş kethüdâmız olan Kemânî Mehmed Ağa zikr olunan Kumkapı iskelesinde işbu bâ‘isü’l-kitâb Osman b. Ebubekir nâm kimesneyi bundan akdem üzerimize kethüdâ ta‘yîn etmekle ol dahi birkaç seneden berü iskele-i mezkûrede kethüdâ olup her vechile evzâ‘ ve etvârından râzı ve hoşnûduz ve cümlemizin muhtârı olmağla mezbûr Osman kemâ-fi’l-evvel kıbel-i şer‘den üzerimize kethüdâ nasb u ta‘yîn olunup yedine vesîka tahrîr ve i‘tâ olunmak matlûbumuzdur dediklerinde hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi mezbûr Osman’ı mârrü’z-zikr Kumkapı iskelesi hamalları ile bi’t-taleb kethüdâ nasb u ta‘yîn eyledikde ol dahi kabûl ve hizmet-i lâzımesini kemâ yenbağī edâya ta‘ahhüd etmeğin mâ-vaka‘a bi’l-ibtigā sebt ü imlâ olundu. Fi’l-yevmi’l-hâmis aşer min-Muharremi’l-harâm sene 1153. Şuhûdü’l-hâl: es-Seyyid Mustafa Ruhalı, el-Hâc Mustafa Arabzâde, Salih b. Süleyman, Molla Hüseyin du‘âcı, Ali b. Abdullah, Mehmed b. Abdullah, es-Seyyid Ali b. Mustafa, el-Hâc Ahmed b. Ömer