Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 182 Hüküm no: 148 Orijinal metin no: [21b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un eşi Mehmed’den muhâlaa yoluyla boşandığı Muhâla‘a Mahmiye-i İstanbul’da Odabaşı Çarşısı kurbünde sâkine olup zâtı Süleyman b. Ahmed ve el-Hâc Mehmed b. Halil ta‘rîfleriyle mu‘arrefe olan Fâtıma bt. el-Hâc Mehmed meclis-i şer‘-i hatîr-ı lâzımü’t-tevkīrde zevc-i dâhili bâ‘is-i hâze’l-kitâb el-Hâc Mehmed b. Mustafa mahzarında ikrâr ve takrîr-i kelâm edip mezbûr el-Hâc Mehmed zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh beş bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr el-Hâc Mehmed ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete müte‘allıka âmme-i de‘âvî ve kâffe-i mutâlebâtdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 19 min-Muharrem sene 1153. Şuhûdü’l-hâl: es-Seyyid Mustafa b. Hasan, Acem Ali b. Abdullah, es-Seyyid Ali b. Mustafa, el-Hâc Mustafa b. Hacı Mehmed