Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 184 Hüküm no: 151 Orijinal metin no: [22a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Ali’nin eşi Süleyman’dan muhâlaa yoluyla boşandığı Muhâla‘a Mahmiye-i İstanbul’da Suhte Sinan mahallesi sâkinelerinden olup zâtı İsmail b. Ali ve Ali b. Mehmed ta‘rîflerile mu‘arrefe olan Fâtıma bt. Ali nâm hatun meclis-i şer‘-i şerîf-i enverde zevc-i dâhili işbu râfi‘ü’l-kitâb Süleyman Çelebi b. Ömer mahzarında ikrâr-ı tâm ve takrîr-i kelâm edip mezbûr Süleyman Çelebi zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh dört bin sekiz yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Süleyman Çelebi ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ-i âmm-ı katı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 16 min-Muharrem sene 1153. Şuhûdü’l-hâl: İsmail Çelebi b. Ali, Ali Beşe b. Mehmed, Süleyman b. Ahmed, es-Seyyid Mustafa b. es-Seyyid Hasan