Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 194 Hüküm no: 164 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Emetullah Hatun’un boşandığı kocasından olan oğlu Ömer’in nafakası hususunda anlaştığı
Ta‘ahhüd
İşbu derûn-ı hüccet-i şer‘iyyede mastûrü’l-ism Emetullah bt. Mustafa nâm hatun zâtı ba‘de’t-ta‘rîfi’ş-şer‘î meclis-i şer‘-i hatîr-ı lâzımü’t-tevkīrde zevc-i sâbıkı işbu bâ‘isü’l-kitâb Osman Çelebi b. Ömer nâm kimesne mahzarında ikrâr ve takrîr-i kelâm edip mezbûr Osman Çelebi ile zevciyet beynimizde kāime iken mezbûrun firâşından hâsıl ve benden müvellid ve bi-hakkı’l-hıdâne hacr ve terbiyemde olan sadrî oğlum Ömer nâm sagīrin nafaka ve kisvesi’çün babası mezbûr Osman Çelebi üzerine yevmî ikişer para nafaka farz ve takdîr olunup kıbel-i şer‘den yedime işbu hüccet-i şer‘iyye i‘tâ olunmuş idi, lâkin ben sagīr-i mezbûr Ömer’in hakk-ı hıdânesi sukūtuna değin kendi mâlımdan infâk ve iksâ eyleyip babası mezbûr Osman Çelebi’den nafaka taleb etmemek üzere ta‘ahhüd eylediğimde ol dahi sagīr-i mezbûru hakk-ı hıdânesi sukūtuna değin yedimden nez‘ etmemeğe ta‘ahhüd eyledi dedikde gıbbe’t-tasdîkı’l-mer‘î mâ-vaka‘a bi’t-taleb ketb olundu.
Fi’l-yevmi’l-hâdî ve’l-ışrîn min-Muharremi’l-harâm sene 1153.
Eş-şâhidûnü’s-sâbikūn
|