Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 206 Hüküm no: 179 Orijinal metin no: [25b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Azlolunan kaşıkçılar kethüdası Ahmed’in yerine Mustafa Çelebi’nin tayin edildiği Kethüdâ-yı kaşıkcıyân Mahmiye-i İstanbul’da vâki‘ kaşıkcı esnafından Ali b. Ali ve Mustafa b. Mehmed ve es-Seyyid Ali b. Mustafa ve Ahmed b. Hüseyin ve Osman b. Osman ve Ahmed b. Mustafa ve Osman b. Ömer ve Hüseyin b. Abdullah ve İbrahim b. Abdullah ve Süleyman b. Hüseyin ve Mehmed b. İbrahim ve Musa b. İsmail ve. Hüseyin b. Mustafa ve es-Seyyid İsmail b. Mehmed ve Ahmed b. Mehmed ve Hüseyin b. Mehmed ve Yunus b. Mustafa ve Ali b. Abdullah ve Abdullah b. Mahmud ve Ali b. Mehmed ve Ebubekir b. Mehmed ve Mustafa b. Mehmed ve Halil b. İbrahim ve Hüseyin b. Mustafa ve Ali b. Abdülhalim ve es-Seyyid Ömer b. Ahmed ve Mustafa b. Ömer ve es-Seyyid Ebubekir b. Veli ve Veliyüddin b. Mehmed ve Abdülhalim b. Mehmed ve Osman b. İbrahim ve sâirleri Kaşıkcıbaşı Abbas Ağa b. Abdurrahman hâzır olduğu halde meclis-i şer‘-i hatîr-ı lâzımü’t-tevkīrde takrîr-i kelâm ve bast-ı merâm edip hâlâ kethüdâmız es-Seyyid Ahmed’in umûrunu rü’yete iktidârı olmadığından azli îcâb eder hâli olmağla mezbûr es-Seyyid Ahmed azlolunup yerine cümlemiz muhtârları olup her vechile kethüdâlık umûrunu rü’yete iktidârı olan işbu hâzır bi’l-meclis es-Seyyid Mustafa Çelebi b. Mehmed üzerimize kethüdâ nasb u ta‘yîn olunması matlûbumuzdur dediklerinde hâkim-i muvakkı‘-ı sadr-ı kitâb bi-tevkī‘ihi’ş-şerîfi’l-müstetâb hazretleri dahi mezbûrûn iltimâslarıyla mezbûr es-Seyyid Ahmed’i kethüdâlıkdan azl ve yerine bâ‘is-i hâzihi’l-vesîka merkūm es-Seyyid Mustafa Çelebi’yi üzerlerine kethüdâ nasb u ta‘yîn buyurduklarında ol dahi ba‘de’l-kabûl hıdemât-ı lâzımesini edâya ta‘ahhüd etmeğin mâ-vaka‘a bi’t-taleb ketb olundu. Fî 27 min-Muharremi’l-harâm sene 1153. Şuhûdü’l-hâl: Mehmed Ağa b. Mehmed, Mehmed b. Abdullah, Salih b. Süleyman, Mustafa b. Hacı Mehmed, el-Hâc Mustafa Arabzâde, es-Seyyid Mustafa Ruhalı, Molla Hüseyin du‘âcı, Mehmed Ağa b. Ahmed, Ali b. Ahmed, Ali b. Abdullah