Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 317 Hüküm no: 457 Orijinal metin no: [67b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Mehmed’in Mehmed Paşa’daki alacağını kefilin ödediği El-emru kemâ-hurrira fîhi zeberahü’l-fakīr ileyhi te‘âlâ es-Seyyid Hüseyin el-müvellâ hilâfeten bi-mahkemeti Ahi Çelebi bi-medîneti Kostantıniyye el-mahmiyye -ufiye anhu-. Mahrûse-i Galata’da Emekyemez Mahallesi’nde sâkin el-Hâc Mehmed b. Ömer nâm kimesne meclis-i şer‘-i hatîr-i lâzımü’t-tevkīrde mahmiye-i İstanbul’da Kâtib Hüsrev Mahallesi’nde sâkin işbu bâ‘isü’l-kitâb el-Hâc Hasan b. Abdullah nâm yesârî mahzarında ikrâr ve takrîr-i kelâm edip hâlâ medîne-i Şam Trablusu beylerbeyisi olan Mehmed Paşa zimmetinde karz-ı şer‘îden sekiz yüz riyâlî guruş hakkım olup meblağ-ı mezbûra merkūm el-Hâc Hasan emr ve kabûlü hâviye kefâlet ile kefîl bi’l-mâl olmuş idi. Hâlâ kefâleti hasebiyle meblağ-ı merkūm sekiz yüz guruşu mezbûr el-Hâc Hasan yedinden bi’t-tamam ahz u kabz eyleyip kefîl ve asîl ile sekiz yüz guruşa müte‘allika da‘vâm kalmamışdır dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn min-Cumâdelûlâ li-sene selâse ve sittin ve elf. Şuhûdü’l-hâl: el-Hâc Murad b. Abdullah, İbrahim Çelebi b. Muslı el-yesârî, el-Hâc Ali b. Abdullah, Hüseyin Beşe b. İskender, Receb Ağa b. Abdullah, Hasan Çelebi b. İlyas HasanBeşe b. İsmail ve gayruhum.