Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 216 Hüküm no: 191 Orijinal metin no: [27a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayni Hatun’un vakfettiği evin Hüseyin Efendi’ye tevcih edildiği Tevcîh-i menzil, bi-imzâ-i efendi Ashâb-ı hayrâtdan merhûme Ayni Hatun nâm sâhibetü’l-hayrın süknâsı ulemâya meşrûta vakfı olup mahmiye-i İstanbul’da el-Hâc Hamza mahallesinde vâki‘ lede’l-ahâlî ve’l-cîrân ma‘lûmü’l-hudûd ve’l-müştemilât bir bâb menzile tevcîh-i hâkimü’ş-şer‘le mutasarrıf olan Hâfız Mustafa Efendi b. Mehmed nâm kimesne menzil-i mezbûru hüsn-i rızâsıyla ulemâdan işbu bâ‘isü’l-vesîka Hüseyin Efendi b. Mehmed nâm kimesneye kasr-ı yed etmeğin hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi ber-mûceb-i şart-ı vâkıf mezbûr Hüseyin’e tevcîh eyleyip işbu vesîka-i enîka bi’t-taleb ketb olundu. Fî 27 min-Muharremi’l-harâm sene 1153. Şuhûdü’l-hâl: Hasan Efendi b. Mustafa, Müezzin Mustafa b. Hacı Abdullah, el-Hâc Mustafa b. Hasan, el-Hâc İsmail b. Veli, Molla Hasan b. Mustafa, Molla Ahmed b. Mehmed, Molla Osman b. İsmail, Molla Abdullah b. Ömer