Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 247 Hüküm no: 229 Orijinal metin no: [32b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Mehmed’in kızı Hatice’ye nafaka takdiri Derûn-ı hüccetde mezkûretü’l-ism olup zâtı ta‘rîf-i şer‘î ile mu‘arrefe olan bâ‘isetü hâzihi’l-vesîka Râbia bt. Mehmed nâm hatun meclis-i şerîf-i enverde zevc-i sâbıkı Mustafa b. Ahmed nâm kimesne mahzarında takrîr-i kelâm ve ta‘bîr ani’l-merâm edip zevcim mezbûr Mustafa’nın firâşından hâsıla ve benden mütevellide olup bi-hakkı’l-hıdâne hacr ve terbiyemde olan işbu sadriye sagīre kızım Hadîce’nin nafaka ve kisve ve sâir levâzım-ı zarûriyesi’çün babası mezbûr Mustafa kıbel-i şer‘den yevmî beş akçe farz ve takdîr olunmuş idi, lâkin meblağ-ı mezbûr sagīre-i mezbûrenin nafaka ve kisve ve sâir levâzım-ı zarûriyesine vefâ etmeyip ve mezbûr Mustafa dahi mûsir olmağla kendi rızâsıyla meblağ-ı mefrûz-ı mezkûrun üzerine yevmî beş akçe farz ve takdîr olunmuş idi, lâkin meblağ-ı mezbûr sagīre-i mezbûrenin nafaka ve kisve ve sâir levâzım-ı zarûriyesine vefâ etmeyip ve mezbûr Mustafa dahi mûsir olmağla kendi rızâsıyla meblağ-ı mefrûz-ı mezkûrun üzerine yevmî bir akçe zam eyleyip yevmî altışar akçe vermek üzere ta‘ahhüd ettikde ben dahi râziye olup meblağ-ı mezbûr ile sagīre-i mezbûreyi hakk-ı hıdânesi sukūtuna değin infâk ve iksâya ta‘ahhüd eyledim dedikde gıbbe’t-tasdîkı’ş-şer‘î hâkim-i muvakkı‘-ı sadr-ı kitâb bi-tevkī‘ihi’ş-şerîfi’l-müstetâb hazretleri dahi meblağ-ı mefrûz-ı mezkûr beş akçenin üzerine târîh-i vesîkadan bi’t-terâzi yevmî bir akçe dahi farz ve takdîr buyurup meblağ-ı mefrûz-ı mezkûr altı akçeyi sagīre-i mezkûrenin nafaka ve kisve ve sâir levâzım-ı zarûriyesine sarfa ve lede’l-iktizâ istidâneye ve inde’z-zafer babası mezbûr Mustafa üzerine rücû‘a mezbûre Râbia Hatun’a izin birle mâ-vaka‘a bi’t-taleb ketb olundu. Fî 5 S sene 1153. Şuhûdü’l-hâl: Ali b. Abdullah, es-Seyyid Mustafa b. es-Seyyid Hasan, Mehmed Çelebi b. Abdullah, el-Hâc Mehmed