Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 263 Hüküm no: 249 Orijinal metin no: [35a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meryem bt. Bogos’un kocası Bedros’un ölümünden sonra Aznavur ile evlendiği Mahrûse-i Edirne mahallâtından Savakça Murad mahallesinde sâkine olup hâlâ mahmiye-i İstanbul’da Samatya kurbünde müsâfireten sâkine Marye[m] bt. Bogos nâm Nasrâniye şahsı ba‘de’t-ta‘rîfi’ş-şer‘î meclis-i şer‘-i hatîr-ı lâzımü’t-tevkīrde mahzar-ı hasm-ı câhidde zevc-i evveli Aynacıoğlu Bedros v. Bogos nâm zimmînin altı ay mukaddem Edirne’de hâlik olduğunu vech-i şer‘î üzere isbât ettikden sonra mezbûre Meryem Nasrâniye mekârî tâifesinden hâmil-i hâze’s-sifr Aznavur v. Hazer nâm Ermeni’ye bin beş yüz akçe mehr-i müeccel tesmiyesiyle şuhûd mahzarında nefsini akd ve tezvîc eylediğinde ol dahi ber-vech-i muharrer tezevvüc ve kabûl etmeğin mâ-vaka‘a bi’t-taleb ketb olundu. Fî 10 S sene 1153. Şuhûdü’l-hâl: es-Seyyid Ali Çelebi b. Mustafa, es-Seyyid Mustafa b. Hasan, Canbaz Ali b. Ahmed, Ali b. Mustafa, es-Seyyid Mustafa Arabzâde, Üsküdarî Ali Çelebi b. Abdullah