Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 321 Hüküm no: 464 Orijinal metin no: [68b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yako ve Yahuda v. Yasef’in babalarından intikal eden cariyeyi azat ettiği Mahmiye-i İstanbul’da Zeytun cemâ‘atinden Yako ve Yahuda v. Yasef nâm Yahûdiler asâleten ve li-ebeveyn karındaşları gāib ani’l-meclis Salamon nâm Yahûdi tarafından i‘tâk-ı âti’l-beyânı ikrâra vekîl olup yine cemâ‘at-i mezbûrdan Barohi v. Avraham ve Zahar v. ( ) nâm Yahûdiler şehâdetleriyle vekâleti şer‘an sâbite olan Salamon nâm Yahûdi vekâleten meclis-i şer‘-i şerîfde babalarından irs-i şer‘le intikāl edip rıkkına mu‘terife olan orta boylu, aşık kaşlı, kara gözlü, yüzünde çiçek alâmeti olan Gürciyyetü’l-asl râfi‘atü hâze’l-kitâb Roza bt. ( ) nâm câriye-i memlûkemi lâ li-ivazin ‘âcil ve lâ li-garazın âcil herbirimiz asâleten [ve] vekâleten i‘tâk ve tahrîr eyledik, ba‘de’l-yevm mezbûr Roza sâir harâir-i asliyyât gibi hürre olup üzerinde hakk-ı velâdan gayrı hakkımız kalmamışdır dediklerinde mâ-hüve’l-vâki‘ bi’t-taleb ketb olundu. Fi’l-yevmi’s-sâlis aşer min-Şevvâli’l-mükerrem li-sene erba‘a ve sittin ve elf. Şuhûdü’l-hâl: İbrahim b. Davud, Süleyman b. Hasan, Mehmed b. Hüseyin, Lütfullah b. Halil, Rıdvan b. Abd Hüseyin.