Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 288 Hüküm no: 280 Orijinal metin no: [39b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kerime bt. Abdullah’ın Acem asıllı Zeyneb’i azat ettiği Mahmiye-i İstanbul’da Firuz Ağa mahallesinde sâkine Kerime bt. Abdullah b. Abdurrahman nâm hatunun zevci tarafından husûs-ı âti’l-beyânı ikrâra vekîl olduğu zâtını ârifân Mustafa Çelebi b. Mehmed ve Ahmed Çelebi b. Şa‘bân nâm kimesneler şehâdetleriyle sâbit olan el-Hâc Mustafa b. Ali nâm kimesneler şehâdetleriyle sâbit olan el-Hâc Mustafa b. Ali nâm kimesne meclis-i şerîf-i enverde müvekkile-i mezbûreye rıkkıyetini mu‘terife orta boylu, açık kaşlı, elâ gözlü, Acemiyyü’l-asl, Müslimetü’l-millet hâmiletü hâzihi’l-vesîka Zeyneb bt. Abdullah muvâcehesinde bi’l-vekâle ikrâr ve takrîr-i kelâm edip müvekkile-i mezbûre mevsûfe-i mezbûreyi hasbeten lillâhi’l-meliki’l-hallâk ve taleben li-merzâti Rabbi’r-rezzâk mâlından tahrîr ü i‘tâk ve sâir harâir-i asliyât zümresine idrâc ü ilhâk eyledi ba‘de’l-yevm mevsûfe-i mezbûre Zeyneb sâir harâir-i asliyât gibi hürre olup üzerinde müvekkile-i mezbûrenin hakk-ı velâdan gayrı hakkı bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-ışrîn min-Saferi’l-hayr li-sene selâse ve hamsîn ve mi’e ve elf min-hicreti men-lehü’l-izzü ve’ş-şeref. Şuhûdü’l-hâl: Mustafa Çelebi b. Mehmed, Ahmed Çelebi b. Şa‘bân, Mehmed Çelebi b. Abdullah