Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 300 Hüküm no: 289 Orijinal metin no: [42a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden İbrahim’in varislerinden Mehmed’in terekeden hakkını aldığı Vilâyet-i Anadolu’da Ayandon kasabası ahâlîsinden olup mahmiye-i İstanbul’da Bali Paşa Câmi‘-i şerîfi derûnunda vâki‘ medresede müsâfiren sâkin iken bundan akdem vefât eden İbrahim b. Hasan b. Abdullah’ın verâseti li-ebeveyn er karındaşları Mehmed ve Hüseyin ve Mustafa’ya münhasıra ve tashîh-i meselesi üç sehm i‘tibâr olunup sihâm-ı mezbûreden her birine birer sehm isâbet eylediği lede’ş-şer‘i’l-enver mütehakkık oldukdan sonra mezbûr Mehmed meclis-i şer‘-i şerîf-i enverde bâ‘isü’l-kitâb karındaşı mezbûr Hüseyin mûrisimiz müteveffâ-yı mezbûrun terekesine vâzı‘u’l-yed olmağla terekesinden ber-tashîh-i mezkûr hisseme isâbet eden bir sehm hisse-i irsiyemi mezbûr Hüseyin bana def‘ ü teslîm ben dahi yedinden ahz u kabz eyledim ba‘de’l-yevm hisse-i mezkûremden mezbûr Hüseyin yedinde ve zimmetinde bir akçe ve bir habbe hakkım kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 20 S sene 1153. Şuhûdü’l-hâl: el-Hâc Mustafa b. el-Hâc Mehmed, Aşcı Mustafa Odabaşı, Mustafa Çelebi b. Hasan, Yusuf Çelebi b. Receb