Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 307 Hüküm no: 299 Orijinal metin no: [43b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın borcunu ödediği Derûn-ı hüccetde olan mastûrü’l-ism Şeyh Ali Efendi b. Mustafa nâm kimesne meclis-i şer‘-i hatîr-ı lâzımü’t-tevkīrde sâhibet-i hâzihi’l-kitâb fahrü’l-muhadderât Âişe Hanım bt. el-merhûm Veliyüddin Efendi muvâcehesinde ikrâr-ı tâm ve takrîr-i kelâm edip derûn-ı hüccetde beyân ü tafsîl olunan asl-ı mâl dört bin dört yüz guruş ile menzil icâresinden altı yüz altmış guruş ki min-haysü’l-mecmû‘ beş bin altmış guruşu mûmâ-ileyhâ Âişe Hanım bana def‘ ü teslîm ettikde ben dahi yedinden tamâmen ahz u kabz edip menzil-i mezkûru rehinden fek ve ihrâc eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 23 S sene 1153. Şuhûdü’l-hâl: Ayıntâbî Hamza Efendi, el-Hâc Mehmed Efendi b. Musa, Ebubekir Efendi b. Ahmed, Salih Efendi b. Mustafa, Ahmed Ağa b. Mehmed, Abdullah Efendi b. İbrahim, Ali Efendi b. Mehmed Emin, Ali Efendi kādı-i …? muvakkaten, el-Hâc İsmail Efendi kâtib-i muhâsebe, Ali Çelebi b. Ali