Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 314 Hüküm no: 308 Orijinal metin no: [45a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Mehmed’den boşanan Zeyneb’in mehrini aldığı İbrâ Mahrûse-i Galata muzâfâtından kasaba-i Kasımpaşa mahallâtından Surûrî mahallesinde sâkine zâtını ârifân Ebulmevahib Çelebi b. Ahmed ve Hüseyin Çelebi b. Abdullah nâm kimesne ta‘rîfleriyle mu‘arrefe olan Zeyneb bt. Abdullah nâm hatun meclis-i şer‘-i hatîr-ı lâzımü’t-tevkīrde zevc-i mutallıkı işbu râfi‘ü’l-kitâb Yusuf b. Mehmed nâm kimesne mahzarında ikrâr ve takrîr-i kelâm edip mezbûr Yusuf benim zevc-i dâhilim iken işbu meclis-i şer‘de beni bir talâk ile tatlîk edip zimmetinde mütekarrer ve ma‘kūdün-aleyh olan bin akçe mehr-i müeccel hakkım ile nafaka-i iddet-i ma‘lûmem ve meûnet-i süknâm mukābelesinde dahi bi’t-terâzi üç yüz yirmi akçe ki min-haysü’l-mecmû‘ zimmetine lâzım bin üç yüz yirmi akçe hakkımı tamâmen bana edâ ve teslîm eyledikde ben dahi meblağ-ı mezbûr bin üç yüz yirmi akçeyi mezbûr Yusuf’un yedinden ahz u kabz edip fîmâ-ba‘d mehr-i müeccel hakkım ve nafaka-i iddet-i ma‘lûme ve meûnet-i süknâma müte‘allıka âmme-i de‘âvîden mezbûr Yusuf’un zimmetini ibrâ-i âmm-ı katı‘u’n-nizâ‘la ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 25 S sene 1153. Şuhûdü’l-hâl: Urfalı es-Seyyid Mustafa b. Hasan, Hüseyin Çelebi b. Ahmed, es-Seyyid Mustafa Çelebi b. Ahmed, Hüseyin Çelebi b. Abdullah, Ebulmevahib Çelebi b. Ahmed