Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 321 Hüküm no: 317 Orijinal metin no: [46a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Mehmed’in eşi Molla Mehmed’den muhâlaa ile boşandığı Muhâla‘a Mahmiye-i İstanbul’da Küçükpazar kurbünde (°) mahallesi sâkinelerinden olup zâtı Mehmed Beşe b. İbrahim ve İbrahim Beşe b. Mehmed nâm kimesneler ta‘rîfleriyle mu‘arrefe olan Fâtıma bt. Mehmed nâm hatun meclis-i şer‘-i şerîf-i enverde zevc-i dâhili işbu râfi‘ü’l-kitâb Molla Mehmed b. Mustafa nâm kimesne mahzarında ikrâr-ı tâm ve takrîr-i kelâm edip mezbûr Molla Mehmed zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh olan bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere mezbûr Molla Mehmed ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer meblağ-ı mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ-i âmm-ı katı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis ve’l-ışrîn min-Saferi’l-hayr li-sene selâse ve hamsîn ve mi’e ve elf. Şuhûdü’l-hâl: Mehmed Beşe b. İbrahim, İbrahim Beşe b. Mehmed, es-Seyyid Mustafa b. es-Seyyid Hasan, el-Hâc Mustafa b. el-Hâc Mehmed