Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 323 Hüküm no: 320 Orijinal metin no: [46b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Mehmed’in Mehmed Ağa’dan boşanmak üzere İsmail Ağa’yı vekil tayin ettiği Muhâla‘a Mahmiye-i İstanbul’da Molla Ahaveyn mahallesi sâkinelerinden olup zâtı el-Hâc Yakub Çelebi b. Mehmed Efendi ve Hasan Çelebi b. Mehmed ta‘rîfleriyle mu‘arrefe olan Râbia bt. Mehmed b. Mustafa nâm hatun meclis-i şer‘-i hatîr-ı lâzımü’t-tevkīrde işbu bâ‘isü’l-kitâb İsmail Ağa b. Mustafa nâm kimesne mahzarında ikrâr-ı tâm ve takrîr-i kelâm edip zevc-i gayr-ı dâhilim olup hâlâ vilâyet-i Rumeli’de Eski Cuma kasabasında sâkin Mehmed Ağa b. Mustafa nâm kimesne zimmetinde mütekarrer ve ma‘kūdün-aleyh yetmiş guruş mehr-i müeccelimin lâzım gelen otuz beş guruşu üzerine zevcim mezbûr Mehmed Ağa ile muhâla‘a-i sahîha-i şer‘iyye ile hul‘ olup hukūk-ı zevciyete ve sâire müte‘allıka âmme-i da‘vâdan her birimiz âharın zimmetini ibrâ-i âm ile ibrâ ve ıskāt etmek üzere mezbûr İsmail Ağa’yı tarafımdan vekîl ve nâib-i menâb nasb u ta‘yîn eylediğimde ol dahi ber-vech-i muharrer vekâlet-i mezbûreyi kabûl ve merâsimini mahallinde edâya ta‘ahhüd eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min-Saferi’l-hayr li-sene selâse ve hamsîn ve mi’e ve elf. Şuhûdü’l-hâl: Mustafa Çelebi b. Hasan, diğer Mustafa b. İbrahim, Abdulkadir b. Hüseyin